எவ்வித பயிற்சியும் பெறாமல் தமிழ்ப் பணி செய்துவரும் 50 ஆசிரியர்களுக்கு உதவுமாறு அச்சங்கம் சிங்கப்பூர்த் தமிழாசிரியர் சங்கத்தைக் கேட்டுக்கொண்டது. எனவே திரு. சி. சாமிக்கண்ணுவின் தலைமையில்  4-பேர் கொண்ட நம் சங்கத்தின் கல்வியாளர்கள் குழு 25-11-2013 தேதியன்று யங்கூன் புறப்பட்டுச் சென்றது.  அடிப்படைத் தமிழ் இலக்கணம்,  பேசுதல்  திறனை  வளர்த்தல், ஈடுபாடுமிக்கக் கற்றல் கற்பித்தல் அணுகுமுறைகள்  போன்ற சில தலைப்புகளில் சில கற்றல் கற்பித்தல் நுணுக்கங்களை நம் ஆசிரியர்கள் பகிர்ந்துகொண்டனர்.

மூன்று நாள்கள் நடத்தப்பட்ட பயிற்சி வகுப்புகளிலிருந்து நிறைய கற்றுக்கொண்டு  பெரும் பயனடைந்ததாகவும் கருத்துரைத்த ஆசிரியர்கள், தொடர்ந்து இதுபோன்ற வகுப்புகளைத் தங்களுக்கு நடத்துமாறும் நன்றிப் பெருக்குடன் கேட்டுக்கொண்டனர்.

உலகெங்கிலும் தமிழ்மொழி வாழ்வும் வளமும் பெறச் சிங்கப்பூர்த் தமிழாசிரியர் சங்கம் தொடர்ந்து தம் பங்கினை ஆற்றிவரும்.